Je vous envoye pour voz deux bras lier
Deux Bracelletz d’une taincture grise,
Vous suppliant d’ainsi ne m’oblier,
Comme en mon cueur est fermeté comprise :
Car tout ainsi qu’en mon cueur je l’ay mise
Pour l’entretien d’une doulce esperance,
Aussi j’attens d’avoir la recompense
De ce vouloir remply de fermeté,
Estimez donc que le don d’allegeance
M’appartient bien pour avoir ferme esté.